Fryma poetike e së dielës me poeten;-Blertë Tmava VESELAJ

NË DUART E ASKUJT

—————————————–

Kohën dot nuk e ndaluam

As unë, as ti dhe as ata

Ajo rrjedh si lumë i çmuar

Nuk ka kush që e ndalon.

Dashuria jeton me kohën

Bashkë me të vjen e shkon

Në duart e askujt nuk mbeti

Nëse ndjenjën s’e jeton.

Ikën dhe jeta bashkë me kohën

Dhe dashuria po ashtu

Nuk pati forcë kush ta ndalojë

Mbetën në duart e askujt.

Jeto çdo minutë që të dhurohet

Në çdo frymëmarrje dashuro

Se një ditë nuk jemi më

Në duart e askujt jetën mos krijo.

/www.qendrapress.com/