Fryma poetike e së dielës me poeten;-Elida PRIFTI

MASKA E IRONISË

——————————

Pas ekranit fshihet fjala e ftohtë,

që lind pa zemër dhe vdes pa notë,

ironinë e quan “mendim i zgjuar”,

por s’është veç helm i fshehur, i pakuar.

Flet pa fytyrë, pa sy, pa emër,

si hije që endet mbi fjalën e errët,

dhe mendon se ngrit veten lart,

duke ulur tjetrin në çdo kartë.

Por fjala që lind nga përçmimi i thatë,

kthehet në boshllëk, në humbje të gjatë,

se s’ka as peshë, as dritë, as thellim,

vetëm një zhurmë pa kuptim.

Dhe ai që qesh me plagën e tjetrit,

nuk njeh kufirin e vetes së tretur,

se çdo ironi që lind nga urrejtja,

kthehet në pasqyrë të vetvetja.

Në fund mbetet veç një e vërtetë:

fjala pa shpirt s’ka jetë, s’ka jetë,

dhe ai që mendon se fiton mbi të tjerët,

humb veten në heshtjen e përhershme.

/QendraPress/