Fryma poetike e së dielës me poeten;-Migel FLOR

Dita nuk fjeti

————————

Dita nuk fjeti as mbrëmë

edhe pse nata mbylli sytë.

Meraku i diellit

i rrinte mbështjellë brinjëve.

Korbat zbritën me sqepa të zinj

si mbi një trup të hapur nga dhimbja

për t’i shqyer edhe fijën e fundit

të dritës.

Dita nuk fjeti atë natë.

Vetëm nata flinte thellë

mbi jastëkun e përgjakur

të diellit.

/QendraPress/