Fryma poetike e së dielës me poetin;-Imer GLLAREVA
Dy zemra
(Është mall, jo dashuri)
——————————–
Në qerpikët e mi
e në qerpikët e tu
lotët bien si shi
heshtur pa pushu
Nga e njëjta plagë
dhe i njëjti mall
dy zemra digjen flakë
ngadalëdalë pa fjalë
Këta qerpikët e mi…
ata qerpikët e tu…
rrëfejnë për ne të dy
se vitet na kanë rëndu
Njësoj na ka vrarë
kjo botë e pa mëshirë
veç lotët na bashkojnë
si lumenj në errësirë
Netët na rëndojnë
mbi supet çdo ditë
dhe hëna qan për ne
nën kët qiell pa dritë
E në heshtjen tonë
që na dogji kjo vetmi
dy zemra të plagosura
rrehin veç në katër sy…
Drenas
/QendraPress/
