Fryma poetike e së dielës me poetin;Gëzim AJGERAJ

Etja e lirisë

————————

Gujën e gjatë ia veshëm mendimit për nesër

pa çka se e djeshmja na gjeti goliç me natë

kush gjeti udhën me kohën i lumtë moti

nga koka, nga mendimi e morëm me të mirë dritën

i ndezëm dhe kandil për agminë e së nesërmes

që të hapërojë e bardhë e lum e bardha

nga ashti, nga dejet e ushqyem me qumështin e shpirtit

e rritëm në gëzofin e shpirtit të mos na mërdhinte etja

pa çka se veten dogjëm për shkëlqimin e saj

ajo erdhi nusërore në kullën e gurtë

sa do pritat e shekujve ia kishin skuqur duvakun

shkëlqeu e bardhë mbi Dardani /www.QendraPress.com