Fryma poetike e së mërkurës me poetin;-Mentor ISALLARI

AMANETI I NJË POETI

—————————

.

Kështu ëndërroj të gjej dashurin time

Mes një bahçe plot lule të bukura

Të lerë më pas mbresa e kujtime

Dhe sa më shumë të puthura

.

Tu them të vërtetën me miq

Kjo është parajsa e një poeti mbi tokë

Sado që ëndrrat e çojnë diku larg

Por përsëri gjendet i ulur diku aty në këtë botë

.

Ëndrrat e mia janë këto

Që të ulem mbi gjoksin e saj si një bletë punëtore

E të thith nektarin e luleve

Deri në fund të jetës time

.

Mos u çudisni fare

Për këtë që po ju them

Në lashtësi njerëzit me nektar ushqeheshin

Sot buka nuk është gjë tjetër veçse një rrenë

.

Kjo është ëndrra e çdo poeti

Që të vdesë në kraharorin e një femërlule

Me amanet në mes të bahçes të varroset

Aty ku dielli me madhështinë e tij përulet

/QendraPress/