Gashi shpall kandidaturën për kryetar të Degës së LDK-së në Prizren

Nderim Gashi do të garojë për kryetar të Degës së LDK-së në Prizren.

Kuvendi zgjedhor mbahet të dielën.

Gashi, tha se qëllimi i tij do të jetë rikthimi i LDK-së në Prizren.

“Zotohem se do ta kthej LDK-në , si forca kryesore në Prizren”, premton ai.

Sipas tij, LDK-ja ka kapacitete për t’i dhënë qeverisje të mirë Prizrenit.

Kandidaturën për kryetar të LDK-së në Prizren, deri tashti e ka shpallur Driton Selmanaj.

“Përparësia ime është se jam tërë kohën në Prizren i përkushtuar për ta kthyer degën e LDK-së në forcë të parë politike në Prizren”.

Nderim Gashi, aktivitetin politik e filloi nga mosha 16 vjeçare, në strukturat e Forumit të Rinisë. Ishte kryetar i FR të LDK-së për një mandat, po ashtu anëtar i kryesisë së FR të LDK-së në Prishtinë.

Nga 2002 ishte anëtar i kryesisë së LDK-së, Dega në Prizren, për një mandat edhe sekretar i degës së LDK-së, kur Dega udhëhiqej nga Kryetari Eqrem Kryeziu, dhe sekretar në kohën kur Kryetar ishte Anton Quni.

Aktualisht Nderim Gashi është anëtar i Këshillit të Përgjithshëm të LDK-së, dhe kryetar i Nëndegës “28 Nëntori”.