Gërxhaliu: Kontributi i diasporës brenda një viti është më i madh se buxheti i Kosovës

Eksperti i ekonomisë, Safet Gërxhaliu, ka folur për kontributin financiar që diaspora e jep në Kosovë, duke thënë kontributin më të madh për stabilitet ekonomik dhe social e ka diaspora.

Por, sipas Gërxhaliut, diaspora e Kosovës e meriton një tretman më ndryshe e jo siç tha ai, që kontributi i saj të matet vetëm me kutin financiar se sa para dërgon në Kosovë.

“Është padrejtësi e madhe kur flitet se diaspora dërgoi vetëm 1 miliard e 222 milionë euro në vitin 2022. Duhet të kuptohet se ka forma direkte e indirekte të dërgimit të parave. Këtu flasim vetëm për transaksione bankare apo për mjete të dërguara përmes institucioneve kredibile bankare”.