Çaste poetike me poeten; Esmeralda BREGAJ
20 Kilogram poezi
———————————
Zonjë, çfarë dëshironi?
– Zotëri, ju lutem 20 kg poezi.
– Moj Zonjë , po ku ta gjej ?
– Ahh Zotëri,pyetje shumë e lehtë,
Poezia të gjen vet
Hap dritaren se dielli s’të vret
Shiko botën si të flet.
Ja ku është një lozonjare
1kg poezi për atë bukuri
E kush nuk e blen.. si thoni Zotëri!?
Pak me poshtë një moshatare
1kg poezi e qëndisur
Në një petanik sa shijshëm kurdisur.
Me duart e vrara nga jeta
Me sa dashuri gatuan e të shijon dreka.
E kjo poezi mor Zotëri vjen me shije e me zili.
Cik me larg një krijesë
Të shëron shpirtin me një gjest
Një foshnje të belbëzon në veshë
Për mua Zotëri , poezia nuk ka peshë!
Matematika rri e flet
Ky pazar qenka i pabesë
Nuk bej dot tregti
Dhe 20 kg dashuri
S’ti peshoj dot o Zotëri!
Ta kam fal për atë Zot
Poezi më dhe një mësim të mirë sot!
– Zonjë afrohu..
– Po, Zotëri….
– Ti moj Zonjë
Vlen 20kg poezi
Të uroj veç lumturi,
Faleminderit!
/www.QendraPress.com/
