Çaste poetike nga poetja;  Eli Zeneli

TI JE VETËM DASHURIA E JETËS SIME

———————————————–

Dje ta dëgjova zërin dhe s’ishte hera e parë

Ai thyente largësinë, që ka dëshirë të hyjë

Në mes të dashuruarve.

Ishte zë prej burri ai zë i djeshëm

Para të cilit çdo kështjellë

E rezistencës femërore

Bie.

Dashuria qenka rezultat

I rënjes së çdo kështjelle të vetmisë

Qenka pushtet mbi zemrën time

Edhe mbi zemrën tënde

Poashtu pushtet qenka,

Dashuria!

Dje, zëri yt nga largësia

Ma solli pushtetin

Para të cilit dorëzohen mbretër e perandorë

Para të cilit dorëzoheshin edhe perënditë e Olimpit.

Ti nuk je as mbret e as perandor,

Perëndi jo se jo

Ti je vetëm dashuria e jetës sime

Je blerimi i syve të mi, kur shikojnë lumturinë

Në gjeografinë e shpirtit.