Fryma poetike e së mërkurës me poeten;-Albina TREBICKA
GRIMCA KOHE,frikëra moshe…
—————————————
Dua sot ta mbyt mërzitjen time
Copa-copa tutje era ta hedhë
Le ta çojë ajo ku të dojë…
Vetëm jo në çastin që vjen
Unë mbytem në sytë e çastit
Shpirti më merr ngjyrë pranvere
Më ngel mendja tek një mall i fjetur
Më ngec vështrimi tek një syth peme
Kur ma bën dielli me sy
Dita ime rrjedh krejt ndryshe
Nata merr dritën e hënës
së plotë
Mund gjumi britmën e mërzitjes së kotë
Grimcat e kohës s’mbushin dot hapësirat e viteve
Të gjitha frikërat e moshës i kyç tek ditët në ikje…
A.TREBICKA 22.03.2023
/www.qendrapress.com/
