Fryma poetike e së mërkurës me poeten;-Edmira XHAFERI

TASHMË

—————————

Në jetën time

Jam endur në shtjellë,

Shpesh e paemër,

e pafat,

pa dashuri.

Shpesh në mes të rrugëve

kam mbetur e kryqëzuar, njëjtë

Si Krishti i fshikulluar me kamzhik

prej xhelatëve.

E gjithë jeta ime ka qenë një vorbull

Më shumë e trishtë e me dhimbje,

Se sa me hope të dëshirueshme gëzimi.

Kjo shtjellë,

Ikjen e pakthimtë ka sjellë

në mendimet e mia.

Kuptimi e kishte humbur kuptimin,

dhe jeta ime e pat humbur jetën,

deri në çastin që erdhe ti tek unë.

Tashmë jeta ime e ka një kuptim,

Qëllimi ndjek ëndrrat,

Jeta ime e ka jetën për të cilën

ia vlen të jetohet fort

dhe të vdiset bukur.

…Dhe ky je ti.

Tiranë, 23 mars 2023.

/www,qendrapress,com/