Fryma poetike e së mërkurës me poeten;-Rozafa SHPUZA

Për nji pranverë ndryshe

——————————

(Poezi karantine)

E di se diçka duhet me ndryshue…

Me gishta nervozë lyej flokët

si boja e asaj lules që çilë në kërcell,

prejse s’ia ka besën degëve tanë ferra.

Njes sipër thonjve të kafshuem deri n’mish,

leskra suvaje

rjepun prej murit të vijëzuem me metër përvjetorësh.

Prej vjerrcace vetmitare të raftit

zgjedh ngutshëm fustanin

dizenjue me dallnyshe,

anipse s’më kujtohet emnin i kësaj stine…

Ulë mbi nji valixhe dëshirash

pres me u sosë gjama e tellallit

e pllumbat me shky kët fletë kalendarit.

/www,qendrapress,com/