Kryetari Haskuka njofton për subvencionet në bujqësi

Sot së bashku me drejtorin e Drejtorisë së Bujqësisë dhe Zhvillimit Rural, Agron Limani, kemi bërë shpërndarjen e mekanizmave bujqësore, përkatësisht të 40 motokultivatorëve për fermerët përfitues.

Përveç multikultivatorëve, për ngritjen e kapaciteteve të fermerëve, ne do të shpërndajmë edhe 40 freza, 40 kosa dhe 30 spërkatëse, të cilët do t’i ndihmojnë fermerët tanë në rritjen e prodhimtarisë së tyre.

Ndryshe nga vitet e kaluara, kësaj radhe kemi pasur një numër të madh të aplikuesve, gjë që tregon se besimi i fermerëve në institucionet komunale është rikthyer.

Uroj që fermerët përfitues t’i gëzojnë këto mjete të punës dhe me anë të kësaj të kenë më shumë përkushtim dhe vullnet në punën e tyre.