Kryetari Totaj priti dhe nderoi me mirënjohje Artisten e popullit Tinka Kurti
Kryetari i komunës së Prizrenit, Shaqir Totaj ,priti në një takim ku me këtë rast kanë biseduar për veprën e dhe jetën e kësaj artiste. Pas kësaj kryetari Totaj, nderoi dhe nderoi me mirënjohje Artisten e popullit Tinka Kurti. Pas marrjes së mirënjohjes Artistja e Popullit Tinka Kurti me këtë rast ajo foli për Prizrenin si një nga qytet e para dhe më të njohura në gjithë shqiptarinë. Kryetari Shaqir Totaj me aktoren e madhe shqiptare, Tinka Kurti, të vlerësuar me medaljen “Artistja e Popullit të Shqipërisë”, e takoi për t’i ndarë mirënjohje për veprën e saj jetësore me rastin e vizitës së saj në Prizren për promovimin e librit biografik “Tinka Kurti – Ditari i një bashkëshorti”.
Me këtë rast, Kryetari Totaj tha se ndikimi i Tinkës në kinematografinë dhe teatrin kombëtar është tejet i madh si dhe është model për brezat e rinj të aktorëve në trevat shqiptare.
Kryetari Shaqir Totaj numëroi edhe rolet më të fuqishme dramatike të saj që kanë qenë rolet e nënave, por, po kaq ka qenë e suksesshme në zhanrin e komedisë.
Pastaj evokoi një kujtim , kur ajo kishte vizituar Prizrenin në vitet e largëta dhe se si ishte sjellë njëri nga shitësit prizrenas duke i dhuruar një televizor për shkak te emrit që kishte ajo. Tinka Kurti, është artiste e lindur dhe në Shqipëri ka luajtur në mbi 70 filma artstik dhe qindra shfaqje teatrore, Është dekoruar me titullin më ë lartë Artiste e Popullit dhe tashmë është në dekadën e 9 të jetës së sajë. Emri i sajë nderon gjithë kulturën kombëtare shqiptare. “Tinka njihet si protagoniste e filmave “Gjaku i Arbrit”, “Histori Irkutase”, “Fisheku në pajë” apo “Fejesa e Çehovit”. Vlen të theksohet se Tinka Kurti ka interpretuar në filmin e parë shqiptar të metrazhit të gjatë, “Tana”, në vitin 1958” – tha Kryetari Totaj.
Tinka Kurti ka marrë çmime të shumta, si në festivalet kombëtare të filmit, ashtu edhe në ato të teatrit. Këtyre çmimeve u shtohen edhe vlerësime të tjera të rëndësishme, si medalja “Mjeshtër i Madh i Punës”, e dhënë nga Presidenti i Republikës së Shqipërisë.
