Hoça e Vogël, përkujtuan 26 vjetorin,  për  9 dëshmorë dhe 34 martirë

Sot, në Hoçë të Vogël, në përvjetorin e 26 u përkujtuan 9 dëshmorët dhe 34 martirët e vrarë gjatë luftës.

Mëngjesi i 2 prillit 1999, ishte dita më e kobshme për banorët e Hoçës së Vogël, pas një javë ndjekjesh, vrasjesh dhe tmerreve që kishte përjetuar popullata civile e fshatrave të këtyre anëve ishte vendosur në fshatin Nagafc. Aviacioni serb bombardoi fshatin e stërmbushur me civilë shqiptar ku vrau rreth katërdhjet dhe plagosi me dhjetëra të tjerë.

Shumica e të vrarëve ishin banorë të fshatit tonë, e shumica fatëkeqësishtë ishin fëmijë nga gjashtë muaj deri në katërmbëdhjetë vjeç. Të njëjtën ditë, më 2 prill u bë edhe deportimi i të mbijetuarve të masakrës së Nagafcit për në Republikën e Shqipërisë. Përveç vrasjes së njerëzve, armiku dogji tërë fshatin mëse 95% të shtëpive, dogji shkollën, xhaminë dhe tyrben e fshatit. Nga 25 marsi e deri më 2 prill 1999, në fshat dhe rreth tij u vranë 34 civilë.

Lavdi e përjetshme dëshmorëve e martirëve të kombit!/QendraPress/