2 viktima dhe 253 raste të reja me koronavirus në Kosovë

Ministri i Shëndetësisë, Armend Zemaj  ka publikuar bilancin 24 orësh rreth situatës epidemiologjike në Kosovë. Zemaj njofton se sot 253 persona kanë rezultuar pozitiv me koronavirus, gjersa kanë vdekur dy prej tyre.

Rastet e vdekjes janë nga komunat: Mitrovicë 1 rast (82 vjeç), Prishtinë 1 rast (66 vjeç).

Në 24 orët e fundit janë shëruar 646 persona.

Zemaj ka bërë thirrje për respektim të masave, derisa ka thënë se vendi ynë po e menaxhon suksesshëm pandeminë derisa në vendet evropiane shifrat vetëm sa po rriten.

Ky është njoftimi i plotë i tij:

Qytetarë të nderuar, respektoni masat anti Covid!

Përderisa të gjitha shtetet evropiane janë duke u përballur me numër të madh të pacientëve të infektuar me Covid 19, vendi ynë suksesshëm po vazhdon ta menaxhojë situatën epidemiologjike në vend.
Nga 1586 mostra të marra brenda 24 orëve, 253 kanë rezultuar pozitive, 646 kanë fituar betejën me Covid 19, ndërsa kemi dy vdekje.

Qytetarë të nderuar,

Duke ju falënderuar për bashkëpunimin e deritanishëm që keni pasur me institucionet e vendit, për respektim të masave anti Covid, ju ftoj që edhe më tej të vazhdojmë bashkë luftën kundër Covid 19.

Jam përpjekur maksimalisht që kuadrit profesional dhe shumë të përkushtuar, t’i shtohen 1.500 specializantë, punësimin e të gjithë mjekëve të papunë, si dhe shtimin e personelit shëndetësor për 608 punonjës.

Kuadri profesional, ka gjetur angazhim të plotë në sistemin shëndetësor të vendit dhe largimi i mjekëve nga Kosova është zvogëluar shumë duke gjetur këtu perspektivën.
Edhe një herë ju siguroj qytetarë të vendit tim që tashmë kemi siguruar 1,220,000 vaksina anti Covid. Deri në arritjen e vaksinave anti Covid, të vazhdojmë t’i respektojmë masat, të mos i ngarkojmë institucionet shëndetësore dhe të gjithë të hospitalizuarit jo vetëm me Covid por edhe për nevojat dhe shërbimet tjera shëndetësore