888 qendra të votimit do të jenë të hapura për qytetarët gjatë ditës e sotshme

Në këto zgjedhje të jashtëzakonshme në Kosovë në garë zgjedhore janë 1 mijë e 52 kandidatë nga listat e 28 subjekteve të certifikuara për të marrë pjesë në zgjedhje, njofton Insajderi.

Ndërsa qytetarët do të mund të votojnë në 888 qendra votimi në gjithë territorin e Kosovës.Në këto qendra janë dy mijë e 382 vendvotime, të cilat janë hapur nga ora 07:00 në mëngjesin e sotëm.Deri në këtë kohë, gjithçka ka shkuar në rregull me procesin zgjedhor.

Asnjë nga qendrat e votimit, përkundër motit të ligë, nuk ka vonuar për t’u hapur.