E diela me shkrimtarin:Sabit Rrustemi

Premierë poetike …

KËTË ZEMËR SALL MA RRËMBEN

Ajo del prej dhomës pa e hapur derën

dritaren

Nuk i trokëllon as shkallët

s’i trazon as gjethet e fjetura

ato kafshë të buta lodhur nga lehjet

Me një të prekur gishti

universit të pafund i gjenë ato shtigje ajri

Si dritë vetëtime

çanë murin e dendur të reve

e mbin para meje

ngjashëm me lindjen e diellit

a këtë ndriqim hëne

Qenies sime shprushet zjarri i fjetur

ndjenjat ndizen pa fjalë

Ajo pjesë dite

në praninë e saj

tjetër ngjyrë merr

njëjtë si fytyra ime

T’i flas

më mashtron gjuha

buzët

Ta prekë

më ngrihen duart

si zogj të ballsamosur

mbesin

Ta ulë në prehër

ai lum ndjenjash e zjarrmon

Më duket e tëra ëndërr

a

vetë ajo është

Herë me pamjen e një Sirene

dalë nga Joni

herë si grishë Çepuri ngjyra – ngjyra

para syve më përhihet

Bën çka bën

këtë zemër sall ma rrëmben

për t’ma kthyer në një kohë tjetër

( 2 Kallnor 2021 )