E diela me poetin;Xheladin .A.Çitaku

PIKTURË DËSHIRASH

*

Ngulitur magjepsja

në vezullim rubini,

shtangur bebëzat

nga bardhësi mjellme,

prehet shpirti

në valëvitje liqenesh

mahnitëse

të syve si yje.

*

Hiret lozonjare

ndjenjën gozhdojnë,

mbërthejnë mrekullisht

në cicërima adhuruese

që tingëllohen këndshëm,

në tipare shkëlqyese

të fytyrës së dëlirë,

në linja portreti

të përkryer,

në aromë lulishtash

freskuar nga vesa,

mëngjeseve para dielli.

*

Buzëqeshje hëne

përthyhet valëve

të shpirtit,

dehur iluzionesh

e fjalëve magjike,

që mbajnë iso

ëndërrimit fluid,

që përkëdhel

sirenën veguese

pikturuar dëshirash

imagjinare…

Xhela.

21.06.2021