E diela me penën e artë të shkrimtarit ;Gëzim Ajgeraj
HARRESA
Sikur harruam
se e djeshmja jonë
nëpër errësirën verbuese
e me tehun e shpatës në fyt
na i thërriste plot mallkim
zhbërjes sonë
Memories shpejt
po ia ndërrojmë pllakat
duke shkelur me dy këmbë
të shkuarën tonë
e solidariteti
me djajtë e djallëzisë
na i verbon ditët tona të bardha
Jemi bërë hije korb
dritës sonë
dhe pak nga pak
sikur ia gërryejmë
lëkurën e atdheut
dhe diellin e bardhë
që me aq mund e zbritëm
mbi kokat tona
Me gurin e lakmisë
së tepruar
po ia thyejmë
kokat vetes
e jo satanait të veriut
që ende po na e pinë gjakun
nga përtej gardhi
2021
