E diela poetike me poeten ;Ganimete Jakupi Demiri

BUZËQESHU…

Buzëqeshu edhe sikur bota t’rrënohet para teje,

Buzëqeshja asgjë s’të kushton,

Vetëm plagët e shpirtit t’i shëron,

Ilaq më të bukur për shëndet s’ekziston.

Buzëqeshu edhe atëherë kur,

Digjesh përbrenda si qiri,

Sepse askush nuk e di si ndjehesh,

Por te të tjerët reflekton dashuri.

Buzëqeshu për hir të vetës,

Buzëqeshja jote dikujt ia zgjatë jetën,

E disave të tjerë kjo i pengon,

Sepse duan gjithmonë të të shohin me lotë.

Buzëqeshu se ashtu për fytyre të shkon,

Imazhit tënd më shumë bukurinë ia shton,

Ndonjëherë buzëqeshja do të thotë cinizëm,

Por është e vetmja përgjigje për të pacipët.