E diela poetike me penën e artë të shkrimtarit;Gëzim Ajgeraj

DITË PA KOSOVË

———————————

Err e terr bredh mungesës

vaj dita pa ty

Në Dardani e Ulpianë zbrita

e në fllad të Vërrinit

Për një sy gjumë

Ndër gurra pimë ujë kaçakçe

I kënduam lirisë

Një tufë lule dëshmorëve

Vaj për ditën

që na zhuriti largësive

Dita pa Kosovë

Janar 2001

&  &  &

KOHA S’NA PRET!

__________________________

Dikush mendon se do jetoj njëmijë vjet

Nuk gjeti kohë asnjëherë në tri dekada

Harron i gjori se e kemi vetëm një jetë

Ti qajmë hallet e ti ndërrojmë nja dy llafe të përmallta

Shkojnë e vijnë motet si uji nën lum

Dhe mosha ikën e plakemi çdo herë

Harrojnë miqtë gjithnjë e më shumë

Se s`do të takoheshim në ndonjë botë tjetër asnjëherë

Dhe ikin miqtë e treten diku në heshtje

Dhe neve përsëri na marrin udhët e mërgimit

Dhe shpresën e lëvjerrim diku përlotë me kureshtje

Për ndoshta hera tjera kur të digjen përmallimit

Dhe thinjat e moshës bien një nga një

E neve mbytemi udhëve të përmallimit

Dhe miqtë, dhe ata ikin pa bë zë

Nga kjo botë, shpesh dhe pa lamtumirën e harrimit

Dhe prapë dikush mendon se ka jetë njëmijëvjetë

E për mikun e ka lënë në një shekull tjetër

Thinjat kanë zbritur dhe koha sna pret

Takoje, çmallu dhe njëherë, me mikun e vjetër

Prizren, 2019