E diela poetike me penën brilante të ;Gëzim Ajgeraj

Vjeshtë e thatë

———————–

Asnjë pemë e fjalës s’pikoi as vjeshta

thatësi mbi qiellin e artit e t’vargut

asnjë himn vargu s’u këndua buz lumbardhi

koha shterp mbi qiellin e fjalës vërboi

muzat e mendimit në gjum i kishin rënë

aty këtu ndonjë jehonë fjale dëgjohej nga humbella

seq kish zënë inatë vjeshta e fjalës me fushata

grykësit e etjeve atje tek sheshi i bajraqeve

frymën po ia zinin me premtime të kota

me kthimet tona shpresën e mbytëm pritjeve

për pak mehlem nga ndonjë pemë fjale

dhe pak mbëltim nga pema e atdheut

të ia shuanim mallin mendimit me pak bukuri arti

asgjë e bukur s’pikoi nga pema e vjeshtës buzë lumbardhi

pos kazanit të premtimeve që na e mbushën të përzgjedhurit

medet ç’trishtim më zuri tek shadërvani

kur pashë pemën e thatë të fjalës në varg

që ia kishte zënë rrezen e diellit politiko-llapia…!

Prizren, tetor, 2021