E diela poetike me poetin;Sahit Osmani
LIS I LARTË ME PESË DEGË
——————————————–
(Mbesave dhe nipave të mi)
Kush se dëshiron një gjë të tillë
të jesh lis i lartë me pesë degë
e me rrënjët e ngulitura thellë…
të jesh gjyshi më i mirë në botë
gjysh,- me tri mbesa e dy nipër;
NILA, ERIKI, ELI e LILI, e ELIONI
në foletë e thurura me fie drite
ku çdo çast secili prej tyre flet
me zërat e ëmbël zemra feston
janë burimi që të shuajnë etjen
Janë mrekullia e jetës për mua
krahët e zemrës në kraharor
me dashuri përherë rrethuar
të çlirojnë nga çdo vuajtje
me mirësi jetën e lumturojnë
