E diela poetike me poetin;Sabit Rrustemi

ËNDËRR E PËRJETSHME

———————————–

Derisa nuk të kisha afër

të shihja e të ndjeja

si një ëndërr

Kur arrita të të prekë

më humbi ajo ëndërr

e mbete vetëm ti

dhe unë

peng i një planeti

Nga kjo afërsi e përkohshme

një admirim të përjetshëm

fitova

anise dogja një zemër

Ti ishe

më shumë se një ëndërr

një ëndërr që më s’e shoh

e kahdo që shkoj

me shpirt e ndjej

orë e çast e shijoj aq thellë

sa nuk arrij ta shterrë me fund

as edhe njëherë të vetme

Pikërisht ajo ëndrra

që e dëshiroja

e s’do ta jetoj

as në një jetë të dytë

a të tretë

qëllove

Nuk kam se si të shijoj ndryshe

as të të humb

Ëndërr e përjetshme mbetesh

( 10 dhjetor 2021 )

TI JE MË SHUMË SE NJË ËNDËRR

– Va r i a n t –

Derisa nuk të kisha afër

të shihja e të ndjeja si një ëndërr

Kur arrita të të prekë

dole nga ajo ëndërr

e mbete si unë

mes një zjarri e një planeti

që as shuhet

as lëviz nga vendi

Nga afërsi e përkohshme me ty

një admirim të përjetshëm fitova

anise dogja një zemër

Ti je më shumë se një ëndërr

një ëndërr që më s’e shoh

e kahdo që shkoj me shpirt e ndjej

orë e çast e shijoj thellë

aq thellë sa nuk arrij ta shterrë me fund

as edhe njëherë të vetme

Pikërisht ajo ëndrra

që e dëshiroja e s’do ta jetoj

as në një jetë të dytë a të tretë

qëllove

Nuk kam se si të shijoj ndryshe

as të të humb më

Ëndërr e përjetshme mbetesh

( 11 dhjetor 2021 )