Çaste poetike me poeten;Nasia Xhemalaj

NË VAJZËRI.

——————————————

Në fshatin tim rrallë binte borë,

nuk mbahet mend, vend bregdetar,

unë isha vajzë si ngjalë Rrëze,

një lule bore isha, borë e bardhë.

Isha një lulëkuqe fushe,

një trëndafil i kuq avllie,

unë isha një guacë deti,

që luaja në valë dashurie.

Faqet mosha mi ndizte prrush,

në zemër flutura, në vals lumturie,

më i ëmbël se valsi i Vivaldit,

skalitur dy gjinj, si gjinj perëndie.

Si borzilok në saksi isha,

që vinte aromë visesh Çamërie,

Nazo naze madhe, gjithë lezete,

ishte e mbeti vajzëria ime.

Në fshatin tim rrallë binte borë,

nuk mbahet mend, vend bregdetar,

një lule bore mbeti shpirti im,

fletë, fletë digjej, e digjet në zjarr…

,