E diela poetike me shkrimtarin brilant :Gëzim Ajgeraj
Eja me stinën
——————–
Mos u bëjë
llavë e mjegullës
të të bartin erërat
as fletë e gjethes
të të mbuloi
vjeshtë e harrimit
në u bëfsh
bëhu flutur e pranverës
mbi krahët e dashurisë
eja me stinën
SE ËNDRRAT MBETËN LARGË
————————-
Se ëndrrat mbetën larg
lëvjerrë para portave të shtëpive shkretë
ndër fusha të bleruara e blerinave të Sharrit
në dekada të lëvjerrë lotit të ngrirë tek kulla
tek qajnë motet e arratis tonë
që mbetën atje larg nën pritjet e nënëlokeve
tek shtrydhin kujtimet për bijtë e nipat
atje përtej shtatëdhjetë e shtatë bjeshkëve
dhe zbardhin vitet pritjes së vonuar
ata po vonojnë e u harruan mos kthimeve
KTHEHU
——————
Kthehu tek nostalgjia e lënë diku në V’rrina
atje ku prehen zotrat e dëshirave të tua
rishpalos një nga një ëndrrat e njoma
të lëna në gjysmë të udhës qysh kur të vodhën ikjet
kthehu në odat ku të pret vendi tek oxhaku
dhe vendi i lënë zbrazët qysh kur babai iku amshimit
as oxhakut ska kush ti vë zjarrin
plisin e bardhë e ka mbuluar pluhuri në dollap
krruta e plakut po të pret varur nën hajat
kopshtin i shtëpisë e kan pushtuar therrat
kosën e hëngri ndryshku nën strehën e pikëlluar
barishtet vajtojnë mbi të për dorën tënde
deri kur kthimet tua do të degjen nën prangat e mallit
2021
