E diela poetike me penën e artë të shkrimtarit:Gëzim Ajgeraj

Vegulli e fjalës

————————-

Etjes së madhe të fjalës

Kontaminuan burimet e trazuara

Mes krojeve të thata

Vërshuan lumenjtë të turbullt

Fjalës së zbehtë

Mbi detin e pastër të mendimit

Mbi bukurin e vargut

Ranë thneglat e frazave

Të trishta

C`përzierje fjalësh

Kësaj amullie

Ditën kur të nisesh

—————————–

Atë ditë kur udhët të japin udhë

E të vjedhin bashkë me arkën e kujtimeve

Ti palosë një nga një ëndrrat e dështuara

Këngët e jetës të lëna në gjysmë

Dhe të nisesh shtigjeve të një ëndrre të re

Që s`din as vet se në ç`shteg të pret

Diku pritave të harruara të mallkimit

Ti tani më je bërë fletë

E lojës së erërave në degën e thyer

E me furtunën e tyre ti ngarkon ëndrrat

Udhëve të pa kthimit

——————————

Na mori një ikje, kthimet më s’ u panë

———————————————–

Na deshi një ardhje ikjen që se deshëm

dhe ca pika dhunë na i dhan për qetësim

në mos fatit tonë shumëkush na i buzëqeshën

për udhët që na vodhën e mbollën harrim

Me dhunë e temjan na i frymë harrimit

udhën që na vodhi lartë na e lartësonin

të tjerë udhëtar në radhë tani vinin

udhën e mallkimit të na xt e zbukuronin

Dhe erdhi një ditë udhës i doli boja

dhe dhuna me dhunën iku nga kish ardhë

në pragje na lëvjerrën ikjet tona

mbetëm arratisë kthimet më s’ u panë

2022, Zvicër