E diela poetike me poetin;Sahit Osmani

TRIMAT E QËNDRESËS

(Luftëtarëve të UÇK-së, të fsh.Randobravë,

sot Qëndresë)

—————————

Dridhet toka si një tërmet i fortë

gjylet e topave godasin si rrufe

lisat n’male lidhen degë më degë

dhe bëhen mburojë e luftës,

u ngjajnë mureve të kështjellave

Në male të Ujarit e të Mileskës

rreth e rrotull nga çdo anë

janë ngrit trimat e Qëndresës

aty ku rrënjët i ka liria

hapin krahët si shqiponjat

i kapin armët i ndezin zemrat

gjylet e topave ngjoks i shkrijnë

Trima stoikë e zemërmëdhenj

e mbajnë truallin mos t’u shembej

këta burra që i ka lindur dheu

armikut tokën ia shembin nën këmbë

ia shembin pabesitë,kurthet, intrigat

të mosgjunjëzuar dhe në dyluftim

mbahen në këmbë gjersa mbi atdhe

si diell të shkëlqejë LIRIA!