E diela poetike me vargjet brilante te poetit:Sabit Rrustemi

ËNDRRA QË PUTHET

(Adem Jasharit)

E po nuk kam fjalë

Çdo gjë para teje është e vogël

edhe kjo botë e rreme

Prej të madhit Gjergj

e trashëgove

atë gjëmë kushtrimi

e u bëre sjellës agimi

me vrushkuj gjaku

Shën Liri ynë

tempull nderi e guximi

në çdo pore të etnisë

idhul lirie

Flijues

e ndërtues

me seli në Prekaz

Na bëre vend për shërim

shëlbim

e shenjtërim

Nga qenia jote

buroi liria

dashuria

ëndrra që puthet

që preket

e prehet

në Prekaz

e në Përjetësi

duke hapur porta

duke na bekuar

për milienumin e ri

vetëm më liri

vetëm me liri

vetëm me liri

(26 janar 2001)

_________________ ( E shkruar para 21 vitesh dhe e publikuar fillimish në revisten letrare SHESHI, Prishtinë, e po atë vit dhe në librin tim me po të njëjtin titull: ËNDRRA QË PUTHET, botuar po në vitin