Çaste poetike me poetin;Sahit Osmani

Duke parë e dëgjuar lajme nga tv. e shtypi

—————————————————-

Se Mitra e superfuqisë sërish ka pjellë kriminelë lufte

Që vrasin e terrorizojnë njerëz dhe shtete…

Dhe me gjak të pafajshëm i ushqejnë këlyshët e tyre.

Lëkundet dheu nga superfuqia e peshës së armëve

Nga më të ndryshmet për asgjësimin e botës

Rrathëve të ferrit e kalojnë njerëzimin

Me urrejtjen çnjerëzore i ndajnë të dashurit

Kufijtë e njerëzores i kapërcejnë me tanke taborre

Me zjarr e hekur djegin çdo gjë që u del përpara

Si të jemi pjesë e jetës nën kthetrat e tyre

Të plagosur në trup e shpirt për një të nesërme

Nëse dhimbjen nuk e ndien e gjithë bota

Dhe verbërisht mbyll sytë para tragjedisë njerëzore!