E diela poetike me poeten:Ganimete Jakupi

I VURA ZEMRËS NJË DRY…

————————————

I vura zemrës një dry,

I premtova se nuk do të lejoj askush aty të hy…

Të ta trazojë paqen që ke,

Sepse njerëzit kalojnë transit tek ti,

E të lëndojnë, të vrasin,

Ikin pa lamtumirë dhe …

Heshtin, zhduken e nuk flasin!…

Të harrojnë shumë shpejt se kush ishe,

E ti do të mbetesh vetëm pa përgjigje…

Eh copëzat e tua si do t’i mbledhë?

Gabimet e tyre – ty kanë për t’i hedhë!…

E ti gjithnjë do të qëndrosh stoike,

Do ta përballosh vuajtjen në heshtje si mike,

Do ta ngushëllosh veten në mënyrë drastike,

Me cigare, alkool e ndonjë melodi,

Duke vrarë akoma më shumë veten…

Pa dijeni për njerëz shpirtzinj!…

Andaj zemër qëndro si zonë e ndaluar,

Territorin tënd mos lejo me ta cenuar,

Ruaju nga njerëzit e pandërgjegjshëm,

Se ata janë të pakënaqur me veten,

Dhe për të tjerët aspak nuk kujdesen.

Ganimete Jakupi, Zvicër.