Një 30 vjeçar nga Kosova është arrestuar në Shqipëri nën dyshimin se i kishte marrë 135 mijë euro nga një shtetase me pretendimin se do t’i investonte në Call Center.Q.K, nga Kamenica dyshohet se nëpërmjet mashtrimit, ka përfituar shuma të ndryshme monetare, nga shtetas të ndryshëm në Republikën e Shqipërisë.“Në kuadër të këtij operacioni u bë ndalimi me iniciativë i shtetasit Q. K., 30 vjeç, banues në Kamenicë, Kosovë, për veprën penale “Mashtrimi”. Ky shtetas dyshohet se nëpërmjet mashtrimit dhe shpërdorimit të besimit, ka përfituar shumën 135000 euro nga një shtetase, me pretendimin se do t’i investonte në call center”.“Gjithashtu, nga hetimet ka rezultuar se ky shtetas, nëpërmjet mashtrimit, ka përfituar shuma të ndryshme monetare, nga shtetas të ndryshëm në Republikën e Shqipërisë”, ka deklaruar Policia e Shtetit në Tiranë përmes një postimi në Facebook.