E diela poetike me 7 poezi e 7 poet:Syhejl Havolli
BUZËT E ÇARA T’I PUTH
————————————-
Eja në buzëmbrëmje
Yjet në qiell buzëqeshin
Dita nuk errësohet
Dielli puth majat e maleve
Kënga e mjellmës vazhdon
Me zjarrin e zemrës
Buzët e çara t’i puth
Unë po vij në dritare
Me flokë kaçurrela
Mollëzat shpërthyen papritmas
Drita e diellit
Hijeshon fytyrën magjike
Sapo u takuam
Thithëm buzët
Si një shegë lëng gjaku.
19 korrik 2022
