Çaste poetike me poeten:Dava GjOKA

AH , BOTË E KTHYER PAS INTERESIT !!!

——————————————————

Iku ajo kohë , kur për të tjerët bëheshim copë

E veten pas dore gjithmonë e linim

Ti brezi im me shumë miq e shokë

Me derën hapur gjithmonë ,ne rrinim

Iku ajo kohë kur u thonim “mirëmëngjesi”

Njerëzve që shkonin çdo ditë në punë

E tash të flet kur ka interes

Ndryshe nuk flasim , as ti , as unë

Na ishte një kohë kur fjala s’kishte liri

Të këqija e të mira kishte shumë

Por besa dikur ,kishte burrni

Fjala që m’thoshje, të vdiste tek unë

Dikur mysafirëve u linim shtratin e gjumit

E për vete ,ne, flinim në tokë

Na doli si atij që dha kalin t’kalonte lumit

Dikur mysafir shumë ,sot pa miq e shokë

Tak ,tuku i derës në mendje m’ka mbet ‘

I mysafirit a njeriut tënd

Sot në derë askush nuk troket

“Mirë se të gjeta “, më nuk ka vend

Na ishte një kohë kur kish’ dashuri

E varfëria ulej këmbëkryq ,sheshit

Përse ndryshove sot o njeri ?

Ah, Botë e kthyer pas interesit !!!