E shtuna poetike me poeten;Etleva PETRITI

Ëndrra lozonjare

—————————–

Në shtratin strukur si çdo natë

Me orë të tëra e rraskapitur

Nga llumi fshehur si i ngratë

Her e lumtur, her e mërzitur.

E kokën në jastëk mbështes

Dhe sytë mbyllen dalëngadalë,

Qetësia mbyt me shumë kujdes

Mes ëndrrash shkoj si në përrallë.

Eh sa brodha kot më kot

Sa kilometra duke vrapuar,

Diellin e botës e bëra shok

Hëna më ftoj për t’biseduar.

Malet me krahë un i kaptova

Fushat mes lulesh duke kënduar

Në tokën Mëmë u qetësova,

E putha pragun ku jam penguar.

Ah ëndrra ime që më sodit

Edhe ku dita nuk mund’ t’më coj

gjithë botën mbarë ti më shëtit

Papritmas rrezja erdhi më zgjoi.