Çaste poetike me poeten:Teuta SADIKU

Muzat ilire

———————

Birra është e lirë në Shqipëri

dhe sapo të zhytet dielli tutje në Adriatik

do dal të dehemi me Dea -n e Butrintit

E di që nga pas do vijë dhe bukuroshja Herkulanea e madhe,

më e shndritshme se hëna e argjendtë mbi Tomor.

Por vetëm kokat e tyre do vinë, me krelat e flokëve stiluar në lashtësi ,

 me valzimet e dendura si valët e ujrave.

Ah, si fluturojnë kokat e prera nga trupi

si kokat e Meduzave dhe Gorgonave.

Do i pres deri sa të vinë me kokën mbi supet e bukura.

Sakaq me ngjyrat e qiellit të përflakur do rimëkëmb Trojën,

do hap portat dhe do ringre muret mbi hirin e djeshëm.

Një copë qielli i ujshëm është Skamandra, vetë.

Ja tek shoh portën Shke dhe kullat e Ilionit.

Luftëtarët po dalin një e nga një do i vesh me tirqe,

me shajak të mos kenë ftohtë

Vashave ,me atë tis bukurie,

që derdhet nga kurmi i hajthëm selvi për fustan nusërie,

do u hedh xhubletën e Malësisë mbi supe .

Do dal sot për birrë me Muzat ilire .

 Teuta Sadiku