Çaste poetike me poetin:Shazim MEHMETI

M’KENI PA, E NUK KAM QENË…

———————————————-

Kam frymue me masë,

me masë kam shijue,

me masë kam hangër,

shpesh edhe nën masë.

Asnjiherë

s’kam pi

me fund.

Me fund

s’i kam pi

as gëzimet.

Kam punue,

pa besue

se baj gja.

Kam mendue shumë,

po kurrë nuk kam besue

se janë të miat mendimet.

Gjithnji kam matë,

e nuk kam pre kurrë.

Kokulun kam lëvizë përherë,

kokëulun si nji shpend jetim.

Rrugë kam lëshue,

edhe kur ka qenë e nevojshme

me ngulë kambë.

Lepuj e lepuj

kam patur n’bark,

edhe pse gjithnjë jam pa

si nji luan.

Po, po.

M’keni pa,

e nuk kam qenë…