Çaste poetike me poeten:Remzie REXHBOGAJ

NGJYRA IME

————————–

Sa bukur po dukesh mami

Me thoshte Erna

Dhe Ti e di

Se ngjyra ime e preferuar

Ishte ngjyra e gjelbër

Ajo që i buzëqeshte Erna

A thua Engjëjt i thonin

Së duhet ta bindeshin

Mamin tënd

Të ndërroj shijen e ngjyrës

E përse kur më shiftë

Në ngjyrë të zezë

Me thoshte

Sa bukur po dukësh mami

Tani edhe zemra ime

Ka këtë ngjyrë

Sikur e tëre gardëroba

E përhershme

E në veshët e mi

Më tingëllon zëri yt Erna

Sa bukur po dukesh mami

&  &  &  &

NËSE VARGU MË PËRGJYSMOHET

—————————————————-

Nëse vargu më përgjysmohet

Mos mendo Erna që të kam harru

Pesha e dhembjes që kam për Ty

Shpirtin tim e ka gjunjëza

Shumë kujtime që më gërmojnë trurin

Nuk e di nga cila të ia filloj

Kam shumë të bukura plot 18- të vite

Në çdo çast unë i kujtoj

Kur të këndojsha ninulla të gjumit

Dhe të mbajsha mirë në kraharor

E me lulet e para të pranverës

Mbi gërsheta të thursha kurorë

Kur kujtoj zërin tënd

Kur jehonte si zë bilbili

E në sfilatat e bukurisë

Kishe pamjen e Hyjnisë

Me buzëqeshjen tënde të ëmbël

Si piktura e Perëndisë

Eh, ata muajt e trishtimit

Nuk po mundem t`i harroj dot

Zemrën si ma kanë copëtuar

Sytë mu verbuan nga këta lot.