Çaste poetike me poeten ;Sherife Berisha THAÇI

MIKES – ABETARE

———————————–

Abetarja jonë e Re

Për të gjithë e njëjtë

Si për mua e për TY,

Për t`gjithë shqiptarët në Planet.

Ky gëzim që është i gjerë,

Nuk është veç i fëmijëve,

Por i gëzon të gjithë,

Të dashtunit e Perëndive.

Kaherë kemi vuajtur

Me Abetare të ndara,

Si andej kufirit

Dhe këndej , ka pasur të çara.

Sot dua të festoj

Me Abetaren e re,

Afër Hënës dhe Diellit

S`do lë asnjë re

Tek vizatimet e Anës

Do mbjell trëndafila,

Do ndërtoj çerdhet

Për t`gjithë zogjtë dhe bilbila.

Me 36 shkronja

Unë do bëjë magji,

Do shkruaj vargje për Nënën,

Për Atdheun – poezi.

Me Ty jam krenare, jam edhe trime

TI në sfond u skalite

E dashura – Abetarja ime

Me Gjerdan të art, të pritëm ndër vite.