E marta poetike me poeten: Lela  QEJVANI 

TË KTHYER NË VUV

——————————-

Na duan t’i votojmë,

por nuk na bën dora ,

na duan t’u buzëqeshim,

por nuk na qesh zemra.

Na duan t’i duartrokasim ,

por nuk na përplasen pëllëmbët ,

Na duan të brohorasim ,

por nuk na del zëri.

Flasin t’i dëgjojmë,

por jemi shurdhuar,

Jemi kthyer në “VUV”(shurdhmemec)

Jemi bërë popull,

si dhallë e shpëlarë dybeku.

Na kanë kthyer në kërcu përcëllime ,

Atdheun,

në një bokërrim në vidhim ….

Drejtojmë lutjet nga Perëndia

po largohen të rinjtë , ska zgjidhje as kthim

Shpresojmë të na shpëtoj nga padrejtësia !

Si popull jemi kthyer në VUV!

Lela Pullumb Qejvani

/www.qendrapress.com/