E hëna poetike me poeten:Donika Stasa DOMI

MOS I THËNÇIN DASHURI

—————————————–

Ndodh kur çastet të ngjajnë vite ,

e durimi… pritjes portat zë ja kris ,

si Penelopa thur tezgjahëve të dëshirës ,

kurorë ëndrrash , përmbi krye të dashurisë .

Kur qeshin sytë e zemra të lodron ,

e për gjithë ç’ka shkuar nuk ka pendim ,

qenia e gjitha hesht , nuk i duhen fjalët ,

n’mish e n’gjak , injektuar ka dashurinë .

Kur mungesa të mpak frymën ,

e rikthimi… prushin zë e ndez në gji ,

në fjalor nuk gjen dot fjalët ,

po kurrë munguar , fjala dashuri .

Nëse qiell i shpirtit mbledh gjithë retë ,

flakë rrufesh ,erë të çmendur nga stuhia ,

nëse ylberi asgjëkund nuk gjen trojet ,

ndoshta përhumbur … gjendet dashuria .

Nëse zemra s’ndryshon ritmin ,

me ty…t’qesh e t’qaj lumturisht ,

nëse n’det se flak zemërimin ,

dashuri… s’mund të jetë sigurisht .

Nëse syri s’të kërkon ,

horizontesh që s’kanë kufi ,

e shtambë e shpirtit s’pikon mall .

jo….mos i thënçin dashuri .

Donika Stasa

//qendrapress.com/