E mërkura poetike me poetin; Vladimir MUÇA

Ç’MË THA PYLLI

—————————————–

Kudo katrahura qiellin përflak,

Rreze e diellit në qiell u fik,

Egër mbi Gjepalaj moti zukat

Me retë e hirta, vrullin vërtik.

Tutje mbi Shetel, n’dragua flake

Rrebeshi ulet e ngrihet lart,

Retë e hirta ngado përflaken,

Mbi kreshta kodrash, turravrap.

Çdo gjë negativ, u bë natë,

Shpendëria gëmushave u platit,

Vetëm pylli, pylli i ngratë

Për ndeshjen e egër u gatit.

Retë zbrazen litarë litarë,

Qiellë e tokë u bashkua,

Pylli shpirtrrënjë, kryelartë

Mbi shirrebesh nuk u gjunjëzua.

Në zgavër të një lisi u fsheha,

Dridhej lisi me rrënjët në tokë,

Kush diellin në jetë më thosh:

– Edhe stuhinë do e njohë.

/www.qendrapress.com/