E shtuna poetike me poeten.;Fëllënza Zhuniqi SEJFULLAHU

BLU –BARDHË

——————————–
Mbi sfondin blu
t´pafund të qiellit
krahë të bardhë engjëjsh pushojnë
sytë e mi të lagur gri
me shami t´mëndafshtë mi fshin

I ngjyej sytë në blu-bardhësi
torturohem nga bukuria
flaka kuqe e zemrës merr arratinë
të freskohet në ngjyrat e dëlira

&  &  &

Nuk mbet sy pa lotuar

—————————————–

nuk mbet zemër pa u pikëlluar

qan për ty e qan për mua

se mbeta pa ty o i bekuar

me trup e shpirt të gjysmuar

Tani jetën e shoh ndryshe

nga vdekja më nuk kam frikë

veç e pres me ngazëllim

se ajo tek ti do më nis

Se me ty kam me u takuar

shpresa zemrën ma qetëson

diku tej horizontit

atje në altarin hyjnor

/www.qendrapress.com/