E diela e 11 poetëve, me poetin; Xhevdet BAJRAJ
NJË GRUA QË KISHTE DASHURUAR SHUMË
——————————————
Një grua e shndërruar në një grusht dheu
ende e mban mend
që dikur kishte dashuruar shumë
aq shumë
sa tani nga ajo
në një fushë pa Zot
mbinë lule
Nganjëherë
por vetëm nganjëherë
kafshët u afrohen
i nuhasin ato
e dridhen
pastaj e lëshojnë një zë
të dhimbshëm
si në ditën e parë të botës
/www.qendrapress.com/
