E premtja poetike me poeten; Mirishahe ELSHANI
NË ZJARRIN TËND
———————————–
Në zjarrin tënd
Digjem çdo natë.
Çdo natë bukuria jote
Më ndezë.
Shkruaj në gur legjende
E gjallë.
Në flakë përmallimi
Portreti yt
Si hije e zezë
Zbret tek unë
Mos ta merr vesh
Bota
Me pikëllim në zemër
Të ikim.
I verbër
Edhe në liri
Si t’ua kthej diellin
Syve të mi.
Prej kohësh
Jeton dashuria ime.
Në zbrazëtinë e lotëve
Të mi
Dhembjet e shumëzuar
Për mrekulli.
Në mes nesh
Dashuria ime.
Vetmi çdo natë
Puthem me ty
Mbi buzët e vdekura
Lind përsëri.
& & &
VETMIA
——————————-
Jam djegur e kallur
në flakën e tij
Zjarr përbrenda
përjashta zbrazëti.
Pastaj fillon të flas
trishtimi
Me gjuhën e zjarrtë
sa vetë mallkimi.
Lutem në diell
a Zot
nuk e di.
Të më kthehet
e imja vetmi
Zgjohem mbi heshtjen
që më ndezë.
Ah, sa e vërtetë është
kur jeta nuk është më përrallë.
Mbi dhembjet e tua
trazohet vetmia.
Aty si ëndërr
shkruhet komedia!..
