E marta poetike nga poetja ;-Anila KODRA

EJA I MBARË DHJETOR

———————————————-

Trokitje të lehta dëgjova në derë

Nuk ndalën dhe pse pyeta kush je ,

Por vazhduan të binin 12 herë

Dhe e kishin marrë qetë e me nge.

Hapa derën dhe para meje asgjë

Vec natë që me heshtjen më fliste

Mjegulla sonte kishte mbuluar çdo gjë

Si vesë binte lehtë mbi asfalt e zallishte .

Pyeta veten mos mjegulla trokiti ?

Dhe desh të më thoshte dimri po afron ?

Por u kujtova , kjo ndodh çdo fund viti

Sapo Nëntori i Flamujve ikën e shkon .

Ishte ai , që i dymbëdhjeti muaj vjen gjithmonë

Dhe të gjallojë në orën dymbëdhjetë fillon ,

Dhjetori që mbyll vitin, një vit tjetër përgëzon

Dhjetori muaji që nga festat lulëzon .

Tani të gjithëve ju them mirëmëngjesi

Dhe ju uroj miq e mike një muaj të mbarë

Le të jetë për të gjithë plot gëzim dhe shpresë

Qoftë muaj mirësie dhe i bekuar

/www.qendrapress.com/