Fryma poetike me poeten;-Dava GJOKA

KURRË NUK VDES E FUNDIT SHPRESË

/ Në ditët e fundit të vitit 2022 /

———————————–

Merri ditët ,vit i vjetër

Futi t’gjitha në një thes

Tash shpresoj tek viti tjetër

Se thonë ,shpresa , kurrë nuk vdes

I ri erdhe e plak shkove

Pa më thuaj vit i vjetër

Atë thesin kur e solle

Pse e çove në vend tjetër ?

Eh sa vite ,unë , kam pritë

Sa shkon një ,shpejt vjen një tjetër

Një ndryshim veç m’kan’ pa sytë

Vijnë të rinj e shkojnë të vjetër

Prapë ,sot unë ,jam duke pritë

Një vit t’ri me thasë ngarkuar

Por me çfarë po m’shohin sytë

Thesin tonë e ka harruar

Vit pas viti do të pres

Të tjera vite , t’reja flakë

Kurrë nuk vdes e fundit shpresë

Dhe kur unë ,do të jem plakë

Dava Gjoka Lleshaj ,Tiranë 27 Dhjetor 2022

(www,QendraPress.com/