Ka ndërruar jetë Ahmet Hoxha, baba i dëshmorit të kombit Ilir Hoxha, nga Arbana.

                Pas një sëmundje sot ka ndërruar jete  Ahmet Hoxha, baba i dëshmorit Ilir Hoxha . Ahmeti ishte një burrë atdhetar e një burrë i besës e fjalës  që vështirë të gjesh ndër të gjallë!

Si baba i një dëshmori e i tre djemve të UÇK-së, si axhë i dy ushtarëve të UÇK-së e një dëshmori, si dajë i dhjetëra ushtarëve të tjerë të UÇK-së, si njeri që ka dhënë gjithçka për UÇK-në  që në fillet e para të luftës për liri. Ahmeti Hoxha  ishte një  vizionar  e burrë e madh që diti të duaj lirinë. Ai ishte frymëzues i luftës  për qindra ushtarë  të lirisë dhe ishte  njëri nga ndihmësit direkt e të drejtpërdrejtë të  UÇK-së. Ahmeti bashkë më të vëllaun Hysni Hoxha  ishin shembull të vëllezërve dhe prindërve se si i frymëzuan bijtë e tyre ta duan Atdheun e lirinë e Kosovës. Ai një jetë të tërë  e dha  për lirinë e Kosovës. Sot, me nderime të lata  qytetare  varroste në  varrezat e lagjes ‘’Arbana’’ në Prizren. Por , ai do të mbahet gjatë mend  si një atdhetar dhe familje atdhetare e dëshmuar ndër shekuj./www.QendraPress.com